Merry Christmas Hoilday

平安日office洋溢住一片喜氣洋洋o既氣氛, 晨早就響度諗lunch嗌乜到會返o黎食, 然後又幫同事包禮物, 寫o下聖誕咭咁。lunch之後更加係holiday mood升級, 又食糖水又食蛋糕~~ 萬歲!!!

行工展會, 逼o左兩個鐘。然後又逼去通利 (銅鑼灣有地方唔逼o既咩??) 拎埋chicago d 飛。拎到手先安樂晒

之後逼去佐敦, 點知搭搭o下車個肚痛得好緊要, 係咁流冷汗, 幾驚係頭先響工展會逼親小 虎妹呀~~ 搞到要向港鐵職員求救, 好在最後無乜事, 應該係食得太多雜食, 攪埋一齊先會唔舒服。

狐狸訂o左檯食聖誕大餐, 去到我o地先發現全場都只准食o個個聖誕餐, which is 無一樣o野我係食得... 唔係海鮮就係有酒, 唔通孕婦係唔適合慶祝聖誕節o既? 仲要成三百幾蚊一位, 唔想浪費, 結果唯有撤退啦! 不過就浪費o左狐狸一番心思囉。sorry sorry~~

見已經七點, 響旺角唔book位想有o野食基本上係發夢, 加上仲有少少唔舒服, 又拎住工展會d戰利品, 所以返o左屋企先。抖o左一陣就去附近d餐廳睇o下有乜食。最後都叫食o左聖誕大餐 ^_^

頭盤: 火雞休果沙律 - 湯: 雜菜湯 - 主菜: 煎牛扒(me)同羊架(狐狸) - 甜品: 法式焦糖燉蛋 - 飲品: 熱柚子蜜

非常滿足, 而已兩個餐加埋都平過原本間餐廳食一個餐, 都好丫~ 狐狸話美中不足係響屋企o個區, 有少少悶囉。

正日一朝就要教笛, 哈! 下午同狐狸老爺狐狸奶奶去點心店食lunch, 一口氣試o左兩間。麻麻o地啦~~新o個間好味d。三點幾左右, kelvin就o黎o勒。肥頭就四點幾o黎, 大家傾o左一陣偈。BT五點幾先到, 但係Kelvin就要走lu。鋤dee鋤dee~~~我同阿june坐埋一齊, 兩個大肚婆真係勁旺。 大家隨後陸續o黎到, 阿龍最有食神, 一到樓下, pizza就送到。七個人, 叫o左一個"星之批套餐"同"3-4人套餐。竟然三十分鐘之內蕩然無存.......果然係風捲殘雲........

好在仲有個朱古力火鍋, thank you 阿june。但係叫大咀買o野食信唔過囉, 佢買o左三大盒清一色士多啤梨......

食飽飽又鋤dee, 十點半大家先散水。nice nice!

boxing day朝早...教笛囉。食完lunch坐車去葵青劇院睇"五四新青年", 之後? 又教笛囉! 少少忙啦呢日~夜晚乖乖返狐狸老爺奶奶家食飯, 一齊睇娛樂圈十大奇案。

廿七號原本排到密質質, 唔知點解最後又唔數好忙咋喎。朝早教o左兩個學生, 仲有時間慢慢食lunch再入沙田。響cuson屋企同大家tea o左兩個鐘, 又玩o左uno。多謝cuson o既熱情招待, 又有cake又有tea, so good! 唔可以一齊食晚飯有d可惜。五點九就出發去樂富join埋愛人同之米。八卦八卦一番後, 一齊去兆基創意書院睇快樂無罪。好充實, 如果呢日無落雨更美好

許o左個願望, 如果成真就好啦, 嘻嘻~~