10年的上半年應該是緊張刺激的吧, 希望能挺得下去! 用力!!
09回顧 ---- 1) 本來考慮九月讀埋個marketing postgrad dip, 後來發現唔駛讀都可以chartered到個喎, 仲讀?
10展望 ---- 1) 乖乖儲o左study hours, 儲多一年就可以chartered。我都唔知有乜用, 不過多個qualification都無壞咁解。其他o野, 如果公司無budget就未必讀lu, 10年好忙啊~
09回顧 ---- 1) 想做d high level d o既o野, 但係d task越來越低B。如果唔係因為小虎妹, 真係忍唔住走o架啦, o徙時間! 又係咁cut budget, 勁多不滿! policy越來越local, 差d唔記得自己做緊美國公司呀。
10展望 ---- 1) 可能10年尾開始搵工啦! 2) 再諗諗狐狸間公司可以點做好d, 期望今年有突破!
09回顧 ---- 1) 小虎妹小虎妹小虎妹~~~ 睇o左個人稱"生仔聖手"o既中醫, 唔知佢好彩定我好彩, 一睇就有o左, 快過打針。
10展望 ---- 1) 小虎妹預產期係3月26號。度來度去都度唔掂, 依家最大可能就係請外傭, 雖然其實我唔係咁想... 2) 希望可以快快適應做媽媽o既生活。
09回顧 ---- 1) 多d見o下d舊朋友: 響facebook就有, 哈哈....都好, 叫做聯絡過o下
10展望 ---- 1) 應該會到多d朋友o卦, 個個都話要探小虎妹。
09回顧 ---- 1) 繼續睇中醫: 睇o左, 睇得勁多。d藥真係好苦, 同埋花好多時間去睇。停o左睇反而覺得舒服d, 個人無咁疲累。 2) 發現甲狀腺有腫瘤 (竟然係發現小虎妹時發現, 真係唔知講乜好), 抽o左組織證實係良性。中西醫都話生完先算, 好啦, 咁專心生仔啦。 3) 瞓多o左, 哈~ 養胎嘛!
10展望 ---- 1) 修身: 生完梗係要修返啦, 所以我好努力monitor住個增磅速度, 做孕婦都唔可以食得任性, 要時刻警覺, 仲要時時做瑜珈運動, 郁o下d手腳。目標係成個過程唔好多過20磅。努力! 2) 甲狀腺方面, 西醫話只可以割o左佢, 中醫就話食藥可以化o左佢。所以想試o下中醫先。
09回顧 ---- 1) 長笛進階: 卒之真係投身教育界咯, 成績不過不失啦, 有d學生都幾好教, 小朋友通常都勞氣d。大家對我有o左六個幾月都仲教到十幾個學生覺得非常amazing。無辦法啦, 尿片貴嘛~ 2) 小提琴: 年中開始變o左大提琴, 哈哈~~~ 呢d係命運。鍾意就鍾意, 無得講o既。不過大提琴比想像中難。 3)小號: 本來諗住下半年學, 但係做唔到咁多o野啦, 攤住先啦。
10展望 ---- 1) 長笛進階: (係咪應該搬去事業o個part??) 10年會有好幾個學生考試, 我諗都會忙。希望生完之外keep到d學生啦。 2) 繼續長笛: 休息夠啦, 希望真係可以經濟方面鬆動d (養多個外傭之後仲可以鬆動d, kidding?) 學返長笛啦! upgrade自己。 3) 大提琴: 已經講明唔會考試, 除非考AT。所以都係keep住學習, 希望今年可以勤力少少練o野。4) 有o左之後所有樂團停晒, 下半年考慮有無d可以重新開始。
09回顧 ---- 1) 做返什一奉獻: 真係有做喎, 乖乖 2) 小組方面都有keep住
10展望 ---- 1) 更多投入小組。 2) 樂器事奉希望可以做返好d。無放棄christian ensemble 呢個構思o架我!
09回顧 ---- 1) 土耳其 2) 澳洲.... 都去唔成。公幹就去佐一次北京, 原本去泰國o個次, 已經有o左, 去唔到啦,
10展望 ---- 1) 我諗邊度都唔駛去啦, 嗄話?
09回顧 ---- 所有焦點都集中響小虎妹同教笛!
10展望 ---- 做個能幹好媽媽! 盡量平衡工作同家庭。Life goes on~
沒有留言:
張貼留言